成日見人食嘅🇰🇷韓國熱狗棒，天后旺角都有，以我所知呢間真係韓國人開嘅，連cashier都係韓國人，相信都係地道美食 🌭薯條鴛鴦芝腸💰$38 睇住staff點將熱狗上粉漿、沾上薯條粒，再拿去炸，新鮮熱辣出爐，外面固然好脆，入面腸仔芝士都好夾，加埋醬食幾好 🌭熱狗2個＋芝士球4粒＋年糕香腸串💰$120 呢盒幾抵，任揀熱狗2個，仲有其他小食 要咗經典阿里郎、重芝士拉絲，外面炸漿食落有啲似麵包軟軟地，拉絲芝士好正 芝士球一向鐘意食，年糕比想像中好，因為外面煎得脆身，入面就好軟熟，口感幾好嘅韓式年糕，加埋醬汁，好惹味 🐮特大烤牛肉餅💰$40 呢款好好食，覺得仲好食過啲熱狗，100%嚟自韓國嘅牛肉豬肉製成嘅牛肉餅，質感好好，偏實淨，好夠味，咬落有口感 🚩阿里郎熱狗棒 (旺角) @ariranghotdog.hk 📍旺角奶路臣街12-26號啟賢大廈地下7B號舖 Instagram: snowycookingkitchen Facebook: Snowy’s Cooking Kitchen